گاڑی پھر چلتے چلتے گرم ہونے لگی۔
زندگی کی گاڑی چلتے چلتے اپنے پٹے سے اتر جائے تو سورج کی تمام تمازت حدت بن کر مزاجوں میں اتر آتی ہے۔ دماغ بھاپ بن کر بھک سے اڑ جاتا ہے اور دھواں آنکھوں میں بھر کر دل کی لٹیا ڈبو دینے پر قادر۔۔۔
اوس چاٹے پیاس کہاں بجھتی ہے؟

زندگی نے مجھے جوانی کے پہاڑ کے دامن میں کھڑا کر دیا، اور پیچھے کی طرف اشارہ کیا، میں نے مڑ کر دیکھا تو ایک عجیب و غریب وضع کا شہر نظر آیا، جو ایک ہموار زمین کی چھاتی پر آباد تھا۔ اس