اُردُولُغت

اردو ذخیرہ الفاظ

آن لائن اردو لغت مفصل تلاش کے ساتھ

https://www.urdulughat.pk/Post/do-rasty-aik-manzal

دو راستے ایک منزل

دو راستے ایک منزل

 

لبنان  کی ایک گھاٹی میں صدیاں گزریں،دو فلسفی ملے۔ایک نے دوسرے سے پو چھا۔ کہاں جا رہے ہو تم؟

دوسرا بولا:میں شباب کے چشمے کی تلاش میں ہوں اور وہ میرے خیال میں یہیں کہیں  ان پہاڑیوں سے پھوٹتا ہے۔میں نے اس کی بابت پرانے صحیفوں میں بھی دیکھا ہےکہ وہ سورج کی طرف پھول کی  طرح کھلتا ہے۔

پہلے نے جواب دیا:مگر میں تو موت کے بھید کی تلاش میں ہوں۔دونوں فلسفی سمجھ رہے تھے کے دوسرا حکمت سے بالکل بے بہرہ ہےاور اس نظر سے کورا جو اسے ودیعت کی گئی ہے،وہ ایک دوسرے پر اپنی برتری  جتانے کے جنون میں بھڑ گئے۔وہ ایک دوسرے کیروحانی عظمت ،بصیرت و بصارت کو جھٹلا رہے تھے۔جھگڑا بڑھتے بڑھتے بات  ہاتھا پائی تک پہنچی تو کہیں سے ادھر ایک ایسا دیہاتی آن نکلا ،جسے اس کے گائوں والے سیدھا سادا اور بے وقوف سمجھتے تھے۔اس نے ان دو پڑھے لکھے عالموں کو جھگڑتے دیکھا تو ان کی باتیں سننے کے لیے رک گیا۔کچھ دیر کھڑا رہ کر ان کی باتییں سننے کے بعد وہ ان کے قریب آگیا اور انہیں اپنی طرف متوجہ کر کے بولا:

میرے دوستوں معلوم ہوتا ہے کہ آپ دونوں فلسفے کے ایک ہی نظریے پر متفق ہیں۔اور آپ دونوں کو ایک ہی چیز ی جستجو ہے،اگرچہ آپ دونوں نے اسے الگ نام دے رکھے ہیں۔آپ میں سے ایک کو چشمہ شباب کی تلاش ہے اور  دوسرے کو اسرار موت کی جستجو۔

حقیقت میں یہ دونوں ایک ہی ہیں  اور آپ دونوں کے اندر موجود ۔ الوداع میرے دوستو!

اجنبی یہ کہہ کر رخصت ہو گیا ، وہ ان سے قدرے  فاصلے پر پہنچتے ہی دل ہی دل میں مسکر ا رہا تھا ۔

دونوں فلسفی پل بھر تو چپ چاپ کھڑے  ایک دوسرے کو تکتے رہے اور پھر ایکا ایکی وہ بھی کھل کھلا کر  ہنس پڑے!

ان میں سے ایک نے دوسرے سے کہا۔ کیوں نہ اب ہم ایک ساتھ تلاش شروع کریں؟

ملتے جلتے آرٹیکلز