اُردُولُغت

اردو ذخیرہ الفاظ

آن لائن اردو لغت مفصل تلاش کے ساتھ

https://www.urdulughat.pk/Post/jahan-sultan-parta-tha

جہاں سلطان پڑھتا تھا

جہاں سلطان پڑھتا تھا

 

یہاں اک ایسا برخوردار عالیشان پڑھتا تھا
جو بحر درس گاہ علم کا طوفان پڑھتا تھا
وہ اسٹوڈنٹ کے حلیے میں اک شیطان پڑھتا تھا
جہاں سلطانہ پڑھتی تھی وہیں سلطان پڑھتا تھا
یہی کالج ہے وہ ہمدم جہاں سلطان پڑھتا تھا
کھڑا رہتا تھا اکثر راستے میں نازنینوں کے
زبانی فون نمبر یاد تھے اس کو حسینوں کے
وہ ایسے گھومتا تھا درمیاں ان مہ جبینوں کے
کہ ان حوروں میں گویا ایک ہی غلمان پڑھتا تھا
یہی کالج ہے وہ ہمدم جہاں سلطان پڑھتا تھا
کبھی جلسے میں دیکھا اور کبھی ہڑتال میں پایا
وہ جس محفل میں جا پہنچا اسی محفل کو گرمایا
جو کالج ایک دن آیا تو ہفتہ بھر نہیں آیا
میں عرصے تک یہی سمجھا کوئی مہمان پڑھتا تھا
یہی کالج ہے وہ ہمدم جہاں سلطان پڑھتا تھا
بسیرا اس نئے شاہین کا تھا چائے خانوں میں
کلاشنکوف لے آتا تھا اکثر امتحانوں میں
کلاسوں کی بجائے حاضری تھی اس کی تھانوں میں
وہ کم سن تھا مگر مثل سیاست دان پڑھتا تھا
یہی کالج ہے وہ ہمدم جہاں سلطان پڑھتا تھا
 

ملتے جلتے آرٹیکلز