اردو ذخیرہ الفاظ

آن لائن اردو لغت مفصل تلاش کے ساتھ

https://www.urdulughat.pk/Post/justuju-e-sakoon

جستجوئے سکوں

جستجوئے سکوں

 

میری تھکی ہوئی    آنکھیں متلاشی سکون ہے اور تنگ آیا ہوا دل اطمینان کا متجسس

جب نسیم سحر شرمیلی سرسراہٹ سے غنچوں میں سے گزرتی ہے تو نہ معلوم لہجہ سر گوشی میں ان سے کیا کہہ دیتی ہے کہ وہ فرطِ مسرت سے کھلکھلا اٹھتے ہیں ایک انداز بے خودی میں تالیاں بجانے لگتے ہیں۔اللہ مجھے تو یہی محسوس ہوتا ہے کہ شائد نسیمِ سحر نے ان سے کوئی راز کہہ دیا  ہے۔انہیں  امن و سکون کا پتی بتا دیا ہے۔لیکن جب  یہی غنچے پھول بن جاتے ہیں حد سے زیادہ کل کر فضا میں منتشر ہوجاتے ہیں تو میری مایوسی کا کوئی ٹھکانہ نہیں رہتا آہ دل بے قرار  و تشنہ سکون سمندری لہریں   اک عالم بے تیازی میں آگے بڑھتی ہیں گردو پیش سے بے خبر قہقہے لگاتی ہوئی آگے جاتی ہیں ایسا معلوم ہوتا ہے کہ یہ آشنائے سکون  ہیں اور بہر اندوز راحت قلبی۔

لیکن معبود جب وہ ساحل سے ٹکرا کر پاش پاش ہو جاتی ہیں۔ایک مشت خاک اور سمندری جاگ میں تبدیل ہو جاتی ہیںتو مجبورا مجھے اپنی رائے بدلنی پڑھتی ہے آہ ، وہ تو جان شیریں دے کر بھی سکون قلبی  نہ پا سکیں ۔ دم واپسیں بھی تو انہیں طمانیت نہ نصیب ہوسکی۔روشن اور چاندنی راتوں میں چاند جب آہستہ آہستہ راستے طے کرتا ہے جیسے ملکہ فطرت آسمانی فضائوں کی سیر کر رہی ہو۔روح کی طرح مبارک اور نغمے کی طرح معصوم ماہ پوری شوخی پر ہوتا ہے تاحد امکان مسرور خندہ زن۔

گویا سکون قلب سے مالا مال ہے اور لطف حیات سے پوری طرح بہراندوز لیکن اسی سمے ،آہ  اسی لمحے، اک لکہ ابرا سے نگاہوں سے پوشیدہ کردیتا ہے اور خلائے آسمان میں نہاں۔چاند کی تابانی غائب ہو جاتی ہےاور باندنی  مفقود از نظر اس وقت میری ناکامی کی انتہا نہیں رہتی مالک،ماہ منور بھی تو سکون قلب سے محروم ہے۔

ارغوانی آسمان پر ستارے جگمگاتے رہتے ہیں طلوع آفتاب کی زیریں کرنیں احاطہ کائنات گھیر لیتی ہیں اور  رو پہلی و قرمزی بادل صفحہ آسمان پر اس طرح اڑتے پھرتے  ہیں  جیسے سفید پروں والے فرشتے مصروف خرام ہوں۔

ملتے جلتے آرٹیکلز

ماں
خلیل جبران 1474

ماں
خوابوں کے جزیرے
خلیل جبران 793

خوابوں کے جزیرے
لمحہ نشاط آگیں
خلیل جبران 1008

لمحہ نشاط آگیں

خلیل جبران

اقسام

ٹیگز

ٹاپ آرٹیکلز

پرانی موٹر
پرانی موٹر
06/08/2021
مرغ باد نما
مرغ باد نما
05/07/2021
ماں
ماں
12/10/2021
نظر حیا سے خالی ، دل انسانیت سے
نظر حیا سے خالی ، دل انسانیت سے
02/06/2021
خود کھانا گرم کر لو
خود کھانا گرم کر لو
12/10/2021

نئے آرٹیکلز

جنڈیال مندر کے خون خوار گدِھ
جنڈیال مندر کے خون خوار گدِھ
31/01/2023
زندگی
زندگی
30/01/2023
فلیش بیک
فلیش بیک
29/01/2023
پّلو میں بندھی ناکامی
پّلو میں بندھی ناکامی
28/01/2023
بچپن
بچپن
27/01/2023