اُردُولُغت

اردو ذخیرہ الفاظ

آن لائن اردو لغت مفصل تلاش کے ساتھ

https://www.urdulughat.pk/Post/kia-un-ko-dil-ka-haal-sunany-se-faida

کیا ان کو دل کا حال سنانے سے فائدہ

کیا ان کو دل کا حال سنانے سے فائدہ

 

کیا ان کو دل کا حال سنانے سے فائدہ 

ہوگا تو ہوگا نوٹ دکھانے سے فائدہ 

دل گم ہے اپنا چور کا لیکن پتہ نہیں 

عاشق کو کیا پولیس کے تھانے سے فائدہ 

معلوم ہے دکھاتے ہیں وہ ہم کو سبز باغ 

لارنس باغ شام کو جانے سے فائدہ 

اب بھی وہ کہہ رہے ہیں کہ میرے بزرگ ہو 

کچھ بھی ہوا نہ شیو کرانے سے فائدہ 

جو نیچے جیب کے ہے مری جاں اسے چرا 

عاشق کا فاؤنٹین چرانے سے فائدہ 

لق لقؔ زمانہ ہم سے اٹھاتا ہے فائدے 

ہم نے بھی کچھ اٹھایا زمانے سے فائدہ 

ملتے جلتے آرٹیکلز