اُردُولُغت

اردو ذخیرہ الفاظ

آن لائن اردو لغت مفصل تلاش کے ساتھ

https://www.urdulughat.pk/Post/mari-kuj-gharebi-mat

ماری کجھ غریبی مت

ماری کجھ غریبی مت

ماری کجھ غریبی مت

کجھ میں کلا تے بچے ست

بال نے پورے اک ترنڈی

پوری چیز نہ آوے ونڈی

گھر وچ رہے لڑائی بھنڈی

ہر ویلے دا رہے کپت

میں کلا تے بچے ست

جیڑی پکدی بچے کھاندے

سبزی نوں وی نکرے لاندے

فیر وی پئے روندے کرلاندے

انج بالاں نے چکی ات

میں کلا تے بچے ست

روٹی جیڑی توے تے جاوے

تویوں لہندی ہتھ نہ آوے

اک واری جو برکی پاوے

اونہوں نہ فیر لبھے وت

میں کلا تے بچے ست

بیگم آکھے کوئی نہ دانے

جتیاں کپڑے کہن ایانے

کوئی آکھے میں وال کٹانے

میری سر تے ہوگئی جت

میں کلا تے بچے ست

کوئی کتاباں کاپیاں سنگے

کجھ وچارے پیروں ننگے

کوئی رووے تے کوئی پیا سنگے

کئیاں سر تے چایا چھت

میں کلا تے بچے ست

اک نوں میں مونڈیاں تے چایا

دوجے نوں اک ہتھ پھڑایا

تیجے نوں پھڑ سینے لایا

چوتھے دوڑ کے پھڑ لئی لت

میں کلا تے بچے ست

جتیاں کپڑے ہون نہ پورے

ماں بالاں دی دکھ پئی گھورے

آکھے انیے جم کتورے

کہڑا مار لیا ای بت

میں کلا تے بچے ست

ملتے جلتے آرٹیکلز