عشق میں نفع کی نقصان کی ایسی تیسی
جیب و داماں کی گریباں کی ایسی تیسی

بس میں لٹک رہا تھا کوئی ہار کی طرح
کوئی پڑا تھا سایۂ دیوار کی طرح

کل چودھویں کی رات تھی آباد تھاکمرہ ترا
ہوتی رہی دھک دھک دھنا، بجتا رہا طبلہ ترا

ریڈیو نے دس بجے شب کے خبر دی عید کی
عالموں نے رات بھر اس نیوز کی تردید کی

میں نے کہا کہ شہر کے حق میں دعا کرو
اس نے کہا کہ بات غلط مت کہا کرو

مجھے شک ہے میرے محبوب کی اک آنکھ غائب ہے
کہ وہ جب بھی الٹتا ہے ، الٹتا ہے نقاب آدھا

بیویاں چار ہیں اور پھر بھی حسینوں سے شغف
بھائی تو بیٹھ کے آرام سے گھر بار چلا

ادا کیا تھا جو میں نے اس کا ادھار آدھا
جبھی سے تو اس کو رہ گیا اعتبار آدھا

او دیس سے آنے والے بتا
برسات کی دلدل بنتے ہیں سب کوچہ و بازار کہ نہیں

چٹیں لکھتے تھے جب اخبار میں ہم
تو مجنوں لام الف لکھتا تھا دیوار ِ دبستاں پر